-
Алматы әкімі референдум алдында қала тұрғындарына жүгінді
Құрметті алматылықтар! Біз маңызды өзгерістердің алдында тұрмыз. Мемлекет басшысы Қасым-Жомарт Кемелұлы Тоқаевтың бастамасымен референдумға ұсынылған жаңа Конституция жобасы әділетті әрі заманауи мемлекет қалыптастырудың берік негізіне айналуға тиіс.Әрқайсыңыз елдегі өзгерістерге оң көзқараспен қарап, референдумға белсенді түрде қатысады және дауыс береді деп сенемін!
-
15 наурыз күні «Эко Алматы» қызметкерлері референдумға қатысады.
Дауыс беруге қатысу – азаматтық жауапкершілік пен белсенді ұстанымның көрінісі. Әр дауыс ел болашағы үшін маңызды. Біз азаматтық борышымызды орындаймыз.
-
Алматыда референдумға қатысу мәселесі бойынша ақпараттық-түсіндіру жұмыстары күшейтілді
Қазақстан Республикасының жаңа Конституциясына қатысты өтетін жалпыұлттық референдум қарсаңында Алматыда дауыс беру тәртібі жөнінде тұрғындарды кеңінен хабардар етуге бағытталған қосымша шаралар қабылданды. Әсіресе, дауыс беру күні тіркелген мекенжайында болмайтын немесе өзге елді мекенге уақытша кететін азаматтарға арналған рәсімдер бойынша түсіндіру жұмыстары күшейтілді. 2026 жылы 15 наурызда тіркелген жерінде бола алмайтын азаматтар есептен шығару куәлігін рәсімдей…
-
3 наурызда «Эко Алматы» жауапкершілігі шектеулі серіктестігінде сыбайлас жемқорлыққа қарсы заңнаманы зерделеуге арналған жиын өтті. Сәйкестік жөніндегі қызметкер Серіктестік қызметкерлері үшін ZOOM платформасы арқылы онлайн режимінде «Сыбайлас жемқорлыққа қарсы шектеулер» тақырыбында
-
30 қаңтарда «Эко Алматы» жауапкершілігі шектеулі серіктестігінің қызметкерлеріне сыбайлас жемқорлыққа қарсы заңнама бойынша оқыту сабағы өтті.
Сағат 15:30-да комплаенс қызметкері «Қазақстан Республикасының сыбайлас жемқорлыққа қарсы заңнамасы» тақырыбында Zoom сессиясын өткізді. Серіктестік қызметкерлері сыбайлас жемқорлыққа қарсы заңнамамен, сыбайлас жемқорлықтың түсінігі мен құрылымдық элементтерімен, сыбайлас жемқорлықпен күресумен айналысатын субъектілермен танысты.
-
2027 жылдан бастап қала аумағында қатты және сұйық отынды жағуға тыйым салындаы.
Бұл талап тек бизнес өкілдеріне — коммерциялық және заңды тұлғаларға ғана емес, сонымен қатар жеке тұрғын үй секторына да қатысты болады. Жаңа нормаларды сақтау міндетті сипатқа ие болады, ал оларды елемеу әкімшілік жауапкершілікке әкеледі. 2026 жыл өтпелі кезең ретінде айқындалды. Осы уақыт аралығында тұрғындар мен кәсіпкерлер ластаушы көздерін жаңғыртып, экологиялық тұрғыдан қауіпсіз отын түрлеріне көшуге…
-
Алматыда «Алматы – таза ауа» акциясы жалғасуда.
Экология және қоршаған орта басқармасының мамандары «ECO Almaty» ұйымымен бірге көшпелі кездесулер мен іс-шаралар өткізуде. Экологтар кәсіпорындарға шығарындыларды қалай азайту және экологиялық талаптарды сақтау жөнінде түсіндіру жұмыстарын жүргізіп, сұрақтарға жауап береді. Сонымен қатар ауа сапасын өлшеп, табиғатты қорғау талаптары бойынша кеңестер береді. Акцияның мақсаты – кәсіпорындарға экологиялық нормаларды сақтауға көмектесу және Алматы қаласындағы ауаның сапасын…
-
Таза ауа – әрқайсымыздың ортақ жауапкершілігіміз!
Жобамыздың әлеуметтік жарнамасы Алматы қаласы бойынша LED-экрандарда орналастырылды.Баннерлерде QR-код бар. Сканерлеп, атмосфералық ауаны қорғаудың жаңа ережелері туралы біліңіз:— қандай өзгерістер енгізіледі;— бұл ережелер кімдерге қатысты;— не үшін бұл ережелер қала үшін маңызды. Ережелердің толық нұсқасы – Instagram-дағы парақшамыздың профиліндегі сілтеме арқылы қолжетімді.
-
Алматының Алатау ауданында мемлекеттік органдар мен кәсіпкерлер қатысқан кеңес өтті.
Кездесудің негізгі тақырыбы атмосфералық ауаны қорғау жөніндегі жаңа талаптарды түсіндіру және экологиялық жағдайды жақсарту бойынша бірлескен шараларды талқылау. Кәсіпкерлерге 2025 жылы 30 желтоқсанда бекітілген ережелер түсіндірілді. Аталған талаптарға сәйкес қатты және сұйық отынды пайдалануға тыйым салынып, 2027 жылдан бастап арнайы сүзгілер орнату міндеттеледі.
