Жалпы аумағы 19 мың шаршы метрден асатын саябаққа мыңдаған көпжылдық гүлдер, сәндік бұталар және ірі ағаштар егілді. Жобаның басты ерекшелігі – көктемнен кеш күзге дейін үздіксіз гүлдеп тұратын гүл композициялары.

Көріктендіру жұмыстары аясында мыңдаған гортензия, раушан, сәндік бұталар мен көпжылдық гүлдер, сондай-ақ 500-ден астам ірі көлемді ағаш егілді. Серуендеуге арналған экологиялық жүргіншілер жолдары салынып, аумақ суды үнемді пайдалануға мүмкіндік беретін заманауи тамшылатып суару жүйесімен жабдықталды.

Жаңа қоғамдық кеңістік тұрғындардың серуендеуі, тынығуы және отбасылық демалысы үшін қолайлы орынға айналып, Медеу ауданының жасыл келбетін одан әрі көркейте түсті.