15 мамыр күні белсенді жастардың, қоғам қайраткерлерінің, кәсіпкерлер мен экологиялық қауымдастық өкілдерінің қатысуымен «Жастар Рухы» жастар қанаты ұйымдастырған көшпелі Leader Camp семинары өтті.

Іс-шара аясында қатысушылар экология, отбасы институты, жастар көшбасшылығы және экологиялық мәдениет мәселелерін талқылады. Сондай-ақ «Таза Қазақстан» бағдарламасына және қоршаған ортаға ұқыпты қарауды қалыптастыруға ерекше назар аударылды.

«Eco Almaty» ЖШС өкілдері қатысушыларға қалада жүргізіліп жатқан экологиялық жұмыстар, ауа сапасының мониторингі және табиғатты қорғау бағытындағы бастамалар туралы айтып берді.

Сонымен қатар қатысушылар үшін дәрістер, пікірталастар және командалық белсенділіктер ұйымдастырылды.