24 сәуір күні «Eco Almaty» ЖШС-де комплаенс-офицер жас қызметкерлерге арналған оқыту сессиясын өткізді. Сессия Қазақстан Республикасының мемлекеттік қызметшілерінің Әдеп кодексін, сондай-ақ сыбайлас жемқорлыққа қарсы іс-қимыл саласындағы заңнаманы зерделеуге арналды.

Сабақ барысында іскерлік әдептің негізгі қағидаттары, сыбайлас жемқорлыққа қарсы заңнама талаптары және жұмыс орнындағы мінез-құлық стандарттары түсіндірілді.

Семинарда қатысушылар практикалық кейстерді егжей-тегжейлі талқылап, заңнама нормаларын сақтау мәселелерін және сыбайлас жемқорлық тәуекелдерінің алдын алу тетіктерін қарастырды.

Мұндай оқыту іс-шараларын өткізу ашық корпоративтік мәдениетті қалыптастыруға және қызметкерлердің құқықтық сауаттылығын арттыруға бағытталған.